* بتذاكروا ليه !!!

بتذاكروا ليه !!!

كان فى سؤال جه على بالى...وقلت أسألهولكوا

هو احنا بنذاكر ليه؟؟

يعنى ...الساعات اللى احنا هنقضيها فترة الامتحانات دى هتروح فين

أو هتيجى يوم القيامة شكلها أيه

حسنات ولا سيئات؟؟

أو المصيبة إنها تيجى ساعات فاضية كدة ما فيهاش حاجة

وأكننا كنا قاعدين فيها سرحانين

طيب بصوا...احنا ينفع نحول كل الوقت ده

ونحطه فى كفة الحسنات بتاعتنا

وده وعد من النبي - صلى الله عليه وسلم -

هو قال " إنما الأعمال بالنيات......وإنما لكل امرئ ما نوى"

يعنى لو كانت نيتنا متظبطة فى المذاكرة يبقى إن شاء الله مش هتروح عالفاضى

واحنا هنبقى فى عرض حسنة ساعتها...ومحدش عنده استعداد يسلف حد من حسناته

المهم

ممكن نخلى نيتنا ان احنا بنذاكر علشان ربنا

إزاى ؟؟؟

- يعنى .. ربنا خلقنا علشان نبقى خلفاء له فى الأرض ومصلحين

طب ينفع واحد خليفة يقعد يضيـع وقته ويذاكر علشان كلمتين يحطهم فى امتحان ويروح؟؟

- طب فى نية تانية... ان احنا مسؤلين عن حمل رسالة الحق فى المستقبل
ما ننوى النية دى بدل ما مجرد إننا نجيب تقدير وخلاص

- نية كمان....إننا ننفع الأمة بتاعتنا اللى مصابة بالجهل والتأخّر ونشارك فى نهضتها.

- نية كمان ... نِـبرّ أبهاتنا وأمهاتنا اللى هيفرحهم إننا نجيب تقدير كويس.

- نية كمان ...نقضى وقت كبير فى حاجة مفيدة بعيد عن أى حاجة تغضب ربنا (سبحانه)

دى كذا نية ممكن نذاكر بيها بدل ما المذاكرة تروح عالفاضى أو ننتفع بيها فى الدنيا بس منغير الآخرة

لأن كل ما زادت النية زاد الثواب...والصحابة كانوا بيجيبوا للعمل الواحد 70 نية قبل ما يعملوه

ربنا يتقبل مننا ويوفقنا أجمعين

(متقول)