* موضوع شيق يضم اغلب اعطال الاجهزه الصينى وكيفيه اصلاحها

موضوع شيق يضم اغلب اعطال الاجهزه الصينى وكيفيه اصلاحها



طبعا هنشرح اغلب العيوب المتعارف عليها ولوحد قابله عطل جديد يضمه للموضوع ونحاول نحله أمر الله
طبعا هنتق اولا مع بعضنا على عدم وجود اغلب قطع الغيار للأجهزه الصينى فى الأسواق واللى هيحتاج قطعه غيار معينه اكيد فى الغالب هتبقا تخريط من اى جهاز اخر يعنى هنصح الفنى اللى عاوز يشتغل هارد وير صينى يكون لديه بورد تخريط صينى عشان توفره الوقت

.................................................. .................................................. .................

فى البدايه هنوضح فارق بسيط فى الأجهزه الصينى هنا بالنسه لفصل الجهاز باور وعند تجربته على الشاحن الجهاز بيشحن بس مايفتحش اكيد هتقولى العب فى زرار الباور وهجله كيباد تانى لا بالعكس فى الغالب زى c1000 وعائلته بتبقا من كونكتر الكيباد اما على البورد او على اللوحه لو راجعت عليه بتلاقيه مكسور فى الغالب وبيحتاج لتغير دائما او تكون اللوحه ذاتها محتاج لتنضيف فقط دا بالنسبه لفصل الجهاز باوو ولكن بيشحن


.................................................. .................................................. .................

فصل الجهاز باور وعند تجربته على الشاحن لايشحن
هنا هيكون فى الغالب بنسبه 90% سوفت وير فقط وعلى فكره عن تجربه فى فئات كثيره
مدام بيقرا على البوكس وبيقل انه بيسحب ويقرا تبقا المشكله فقط فى نوع الفلاشه المختاره يعنى لو نزلتله فلاشه وماشتغلش تجرب غيرها وغيرها وان شاء الله هيشتغل
.................................................. .................................................. ..................

طيب احيانا بنفلش الجهاز بكام فلاشه وتلاقى الجهاز جايب شبكه بس مابيحققش اتصال برضه فى الغالب بنسبه 99% سوفت برضه
.................................................. .................................................. ...................

طيب لو الجهاز مثلا فيه قفله ؟؟؟؟ يعنى عند قياس ريش البطاريه تبين وجود شورت فى الجهاز
هقولك على حلين مابيخرجش عنهم اطلاقا

1 لو كان الجهاز يحمل بطاريتين بمعنى يحمل بطاريه اضافيه بداخله يتم فصلها نهائيا وتجربته هتلاقى شغال 100%

2 لو من الاجهزه التى لاتحمل بطاريه داخليه هتعمل الاتى
يتم نزع كافه المتعلقات من كيباد وكامرات وسماعات ثم تنضيفه جيدا وتركه لفتره ثم قياسه فى الغالب بيبقا تمام طيب لو لسه موجود هتراجع على المكونات لو لقيت حاجه محتاجه تتغير تغيرها اما لو كله سليم هترفع سوكت الشحن نهائيا وتجربه قياس الجهاز من دونه وان لم يجدى يتم رفع pf الشبكه وسنوضح اغلب الطرق بالصور قريبا اما لو عملت كل ماسبق ولم يتم سيتم رفع ic الشحن ويسمى فى الغالب هينكس ويتم تغيره وهتنحل المشكله
__________________________________________________ ________________

ظهور خروشه فى السماعه اثناء المكامله - تردد فى الصوت - خروشه فى الاسبيكر

يتم عمل فورمات وتنحل المشكله نظرا لوجود هذه المشكله فى فئه mtk بكثره ولم يصادفنى فى فئه الاسبيرد نهائيا

_____منقول]]]]]___________________________________________ ______________

تفريغ الشحن مع سخونه شديده او دفئأ ملحوظا فى الجهاز

طبعا كتير مننا تعب قوى من مشكله تفريغ الشحن بصوه كبيره فى فئه الاسبيرد والحل الأكيد والمضمون بعد تجربه بطاريه اخرى مجربه يتم رفع ic البلوتوث نهائيا من الجهاز وعدم تركيب اخر هتلاقى المشكله انتهت نهائيا
( منقول)

_________________________________________________